مظفرآباد(نمائندہ خصوصی)قائد حزب اختلاف چوہدری لطیف اکبر نے کہاہے کہ بلاول بھٹو زردار کا مظفرآباد آمد پر فقید المثال استقبا ل کریں گے ‘مقبوضہ کشمیر میں جی ٹونٹی کانفرنس کے انعقاد پر رد عمل مظفرآباد چئیرمین پاکستان پیپلز پارٹی وزیر خارجہ بلاول بھٹو زرداری اکیس مئی سے تئیس مئی تک آزاد کشمیر کا تین روز دورہ کریں گے سینٹرل پریس کلب میں ایم ایل ایز کے ہمراہ پریس کانفرنس کرتے ہوئے ان کا کہنا تھا کہ بطور وزیر خارجہ بلاول بھٹو نے جی ٹونٹی کانفرنس کا سیشن سری نگر میں رکھنے کے خلاف رکن ممالک کو مکتوب تحریر کئے۔ چین اور ترکی نے بلاول بھٹو کے مکتوب پر کشمیر میں ہونے والی جی ٹونٹی کانفرنس میں شرکت سے انکار کر دیا ہے ‘20مئی سے 23مئی کے دوران بلاول بھٹو آزاد کشمیر کی مختلف شہروں میں احتجاجی مظاہروں کی قیادت کریں گے ‘3دن جی ٹونٹی کانفرنس ہوگی اور ہم اس دوران احتجاج ریکارڈ کرائیں گے‘انہوں نے کہا کہ بلاول بھٹو 21مئی کو کوہالہ سے آزاد کشمیر میں داخل ہوں گے ‘رات کو عشائیہ پر کشمیری سیاسی قیادت سے ملاقات کریں گے ‘22مئی کو بلاول بھٹو آزاد جموں کشمیر اسمبلی کے خصوصی اجلاس سے خطاب کریں گے ‘اسمبلی اجلاس کے بعد حریت قیادت اور مہاجرین جموں کشمیر کے وفود سے ملاقات کریں گےان کا مزید کہنا تھا کہ 23مئی کو بلاول بھٹو زرداری باغ میں جلسہ سے خطاب کریں گے اور مہاجرین کے وفود سے ملاقات کریں گے