کراچی (ویب ڈیسک)کراچی میں کشمیری کمیونٹی کی بنائی گئ 15فلاحی تنظیموں کے اتحاد یونائٹیڈ کشمیر ویلفیئرز الائنس کراچی کے زیر اہتمام ایک تعارفی پروگرام کا انعقاد کیا گیا ۔ اس پروگرام میں بڑی تعداد میں کراچی میں موجود ویلفیئرز کے نمائندوں, سیاسی, سماجی, کاروباری, میڈیا اور مختلف شعبہ جات سے تعلق رکھنے والی شخصیات اور علما حضرات نے شرکت کی شرکا نے یونائٹیڈ کشمیر ویلفیئرز . الائنس کراچی کی اس کوشش کو سراہتے ہوئے اس بات پر زور دیا کہ کراچی میں موجود کشمیر یکمیونٹی کو اس پلیٹ فارم پر جمع ہو کر باہمی تعاون سے اپنے مسائل کو حل کرنے کی کوشش کرنی چاہیے شرکا نے اس بات پر اتفاق کیا کہ موجود حالات میں پوری کشمیر کمیونٹی کا ایک دوسرے سے تعاون ، مدد اور ہمدردی کے جذبہ کے ساتھ ایک پلیٹ فارم پر جمع ہونا ہی ہمارے مسائل کا حل ہے یونائٹیڈ کشمیر ویلفیئرز الائنس کراچی پروگرام میں شرکت کرنے والی تمام معزز شخصیات کا دل کی اتھاہ گہرائیوں سے شکریہ ادا کرتی ہے اور امید کرتی ہے کہ آپ سب کا بھرپور تعاون یونائٹیڈ کشمیر ویلفیئرز الائنس کراچی کے ساتھ رہے گا