اسلام آباد(نیوز رپورٹر)عدالت اعظمی نے محکمہ تعلیم سکولز کے حق میں فیصلہ سنا دیا۔ 04 ماہ کے اندر NTS منعقد کرنے کی ہدایت جاری۔عدالت العظمی نے 104 رٹ پٹیشنرز کو یکجا کر کے تاریخی فیصلہ سنا دیا۔ قبل ازیں عدالت العالیہ سے جاری فیصلہ کو بھی منسوخ کر دیا تفصیلات کے مطابق عدالت العالیہ میں دائر رٹ پٹیشن عنوانی” فیاض احمد وغیرہ بنام آزاد حکومت رٹ پیٹیشن بعنوان غلام مختار وغیرہ بنام آزادحکومت وغیره رٹ پٹیشن بعنوان رضوان الرشید و غیره بنام آزاد حکومت وغیرہ، رٹ پٹیشن بعنوان ندا خان بنام آزاد حکومت وغیرہ میں بذیل استدعا کی گئی”معزز عدالت بڑی مہربانی سے 08.03.2022 کے غیر قانونی خطوط کو ایک طرف رکھ دے جو قانون، حقائق، قدرتی انصاف کے خلاف، عدالت عظمیٰ کے فیصلوں کے خلاف اور انصاف کے مفاد میں درخواست گزاروں کے بنیادی حقوق کے خلاف ہیں۔” سرکاری جواب دہندگان مندرجہ بالا وجوہات کی بنیاد پر تمام زمروں کے پرائمری/جونیئر ٹیچرز/ایلیمنٹری ٹیچرز کی میرٹ لسٹوں کی میعاد میں 5 ماہ کے لیے توسیع کریں جو کہ اہلکاروں کی جانب سے NTS امیدواروں کی تقرری پر عائد پابندی کی وجہ سے ختم ہو گئی ہے۔ اس پر عدالت العالیہ نے جواب دہندگان کو ہدایت کی کہ درخواست گزاروں کی تقرری کے لیے NTS کے منتظر امیدواروں کو میرٹ لسٹوں کی میعاد ختم ہونے کے آخری دن تک اور انصاف کے مفاد میں تمام کیٹیگریز کے ایلیمنٹری ٹیچرز کی میرٹ لسٹوں کی مدت میں مزید توسیع تک موقع فراہم کریں۔