باغ(نمائندہ خصوصی)پیپلزپارٹی محترک رہنما سردار ایاز صدیق عباسی نے اپنے ایک بیان میں کہا ھے کہ میرپور بورڈ کے سالانہ امتحانات میں ہاہر سیکنڈری سکول کھرل عباسیاں کا نتیجہ بانوے فیصد رہا جس کا تمام تر کریڈٹ پرنسپل ادارہ اور جملہ سٹاف کو جاتا ہے کیونکہ ایک تو وسائل محدود ہیں دوسرا سٹاف کی کمی اور سفری سہولیات دشواری کا سامنا بھی ھے، اپنے بیان میں ایاز عباسی کا مزید کہنا تھا کہ وہ تمام طالبات بھی مبارکباد کی مستحق ہیں جو گھریلو ذمہ داریاں بھی احسن طریقے سے نبھاتی ہیں اور تعلیمی میدان میں بھی بہترین کارکردگی کا مظاہرہ کر رہی ہیں، پی پی رہنما کا مزید کہنا تھا کہ ہاہر سیکنڈری سکول کھرل عباسیاں کی طرح دیگر گورنمنٹ کے اداروں کو بھی بہترین رزلٹ دینے کے لیے کوشش کرنی چاہیے