شام؛ کار پر اسرائیلی حملے میں حزب اللہ اور اسلامک جہاد کے 4 سرکردہ رہنما شہید

دمشق: اسرائیل نے شام میں ایک کار ڈرون حملہ کیا جس کے نتیجے میں کار مکمل طور پر تباہ ہوگئی اور اس میں سوار چاروں افراد شہید ہوگئے۔عرب میڈیا کے مطابق اسرائیلی فوج نے شام کے دارالحکومت دمشق میں شام اور لبنان کی سرحد کی نزدیک بیروت روڈ پر ایک کار کو شامی چوکی عبور کرتے ہوئے ڈرون سے نشانہ بنایا۔رائٹرز کو 2 نہایت قابل اعتبار سیکیورٹی ذرائعوں نے نام نہ ظاہر کرنے کی شرط پر بتایا کہ کار پر اسرائیلی ڈرون حملے میں شہید ہونے والوں 3 فلسطینی جنگجو اور ایک لبنان کی حزب اللہ کا کمانڈر شہید ہوگیا۔دونوں ذرائعوں نے رائٹرز کو اس بات کی بھی تصدیق کی کہ اسرائیلی ڈرون کا نشانہ بننے والی والی مار میں موجود افراد نہتے تھے اور گاڑی میں بھی نہ تو اسلحہ اور نہ ہی بارودی مواد موجود تھا۔اسرائیلی فوج نے تصدیق کی کہ ان کی فضائیہ نے شام میں اسلامک جہاد موومنٹ کے رہنما فارس قاسم کو نشانہ بنایا جو تنظیم میں آپریشنز ڈیپارٹمنٹ کا ایک اہم عہدیدار تھا۔تاہم حزب اللہ یا اسلامک جہاد موومنٹ کی جانب سے اسرائیلی دعوے پر کوئی تبصرہ سامنے نہیں آیا۔گزشتہ روز بھی اسرائیلی حملے میں ایک ٹرک کو اس وقت نشانہ بنایا گیا تھا جب وہ مشرقی لبنان کے علاقے سے گزر رہا تھا۔