دبئی (نمائندہ خصوصی)باغ ضمنی الیکشن پاکستان پیپلزپارٹی کی کامیابی پرجشن ‘ صدر پاکستان پیپلز پارٹی یو اے ای سردار جاوید یعقوب کی رہائش گاہ پر کیک کاٹا گیا اس موقع پر سردار جاوید یعقوب نے کہا ہے کہ سردار ضیاء القمر کی جیت غریب اور مظلوم طبقات اور حق وسچ فتح ہے،وسطی باغ کے عوام نے برادریوں کے بتوں اور ٹھیکیداری نظام کو شکست دے دی ،ضیاء القمر کی کامیابی آصف علی زرداری،بلاول بھٹو زرداری،فریال تالپور پر عوام کے اعتماد کا اظہار ہے ،راجہ ثناء اللہ نے الیکشن پر اثر انداز ہونے کی کوشش کی مگر وسطی باغ کے غیور عوام نے تمام قوتوں کو عزائم کو ناکام بنا دیا ،آزاد کشمیر وپاکستان میں جلد پیپلز پارٹی کی حکومتیں قائم ہونگی عوام کو سستا انصاف ان کی دہلیز پر ملے گا،بیروزگاری کاخاتمہ اور سماجی انصاف ہمارا مشن ہےان کا مزید کہنا تھا کہ سردار ضیاء القمر کے والد سردار قمر زمان صاحب نے بھی باغ کے لوگوں کی بڑی خدمت کی اور ہم امید کرتے ہیں کہ ضیا القمر اس روایت کو برقرار رکھتے ہوئے تعمیر ؤ ترقی کے نئے دور کا آغاز کریں گے ایک سوال کے جواب میں ایاز عباسی کا کہنا تھا کہ یہ فتح ضیا القمر کی شبانہ روز جدوجہد اور پاکستان پیپلز پارٹی کی سینئر لیڈرشپ کے ٹیم ورک کا نتیجہ ہےاس موقع پر گلف گروپ کے چیئرمین سردار شبیر اور جنرل سیکرٹری پیپلز پارٹی یو اے ای خادم شاہین بھی موجود ہیں