دبئی،(نمائندہ خصوصی) متحدہ عرب امارات سے یورپی یونین کے رکن ممالک کا سفر کرنے والے اماراتی صارفین اب اعتماد کے ساتھ اپنے سفرمیں مزیدسہولتوں فائدہ اٹھا سکتے ہیں۔ امارات ائیرلائن اب الحسن نیشنل ہیلتھ سسٹم ٹیم کے ساتھ مل کر کام کر رہی ہے تاکہ IATA ٹریول پاس پر یورپی یونین کےتصدیق شدہ QR کوڈز جن میں مسافروں کی صحت سے متعلق سرٹیفیکیٹس کروناویکسین کا سٹیٹس اور PCR ٹیسٹ کے نتائج شامل ہیں کو پڑھنے اور پہچاننے کے قابل بنایا جا سکے۔ امارات ائیر لائین کے مسافروں کو IATA ٹریول پاس ڈاؤن لوڈ کرکے الحسن ایپ کا ٹریول پاس QR کوڈ اسکین کرنا ہوگا اور نتائج کو دوبارہ ایپ پر لوڈ کرنا ہوگا۔ متحدہ عرب امارات کے شہری اور رہائشی اپنے منفی پی سی آر ٹیسٹ کے نتائج اور ویکسینیشن سرٹیفکیٹ کو ملک میں کہیں بھی اپ لوڈ کر سکیں گے ۔ صحت کا یہ ڈیٹا نیشنل کلاؤڈ میں متحدہ عرب امارات ڈیٹا پروٹیکشن قانون کے ذریعے متعین کردہ اعلیٰ ترین رازداری کے معیارات اور پالیسیوں کے مطابق محفوظ کیا جاتا ہے۔ نئی اصلاحات امارات ائیر لائن کے مسافروں کو IATA ٹریول پاس سے فائدہ اٹھانےاور ایئر لائن کے نیٹ ورک پر یورپی یونین کی کسی بھی منزل پر روانگی سے قبلOk to کےحصول کوآسان بناتی ہیں۔ الحسن ایپ کا استعمال کرتے ہوئے متحدہ عرب امارات سے یورپی یونین کا سفر کرنے والے امارات ائیر لائن کے مسافراپنی COVID-19 کی صحت کی حالت کو قابل اعتماد طریقے سے ظاہر کر سکتے ہیں، تفریحی مقامات میں آسانی سے داخل ہو سکتے ہیں،تقریبات میں شرکت کر سکتے ہیں یا ایسے دیگر تجربات کر سکتے ہیں جن کے لیے کرونا ٹیسٹ کےمنفی نتائج یا ویکسینیشن ثبوت کی ضرورت ہوتی ہے۔ امارات ائیر لائن کے چیف آپریٹنگ آفیسر عادل الریدھا نے کہا کہ ایمریٹس کے الحسن نیشنل ہیلتھ سسٹم کے ساتھ شراکت میں کروناٹیسٹ کے نتائج اور ویکسینیشن کے ثبوت کو اپ لوڈ کرنے کے لیے ڈیجیٹل ٹریول تصدیق کے نفاذ سےسفری عمل کو مزید ہموار بنانے میں مدد ملے گی۔ انہوں نے کہا کہ ہم ہمیشہ اپنے صارفین کے لیے دستیاب ٹولز کی فعالیت کو بڑھانے کے طریقے تلاش کر تے ہیں ۔الحسن نیشنل ہیلتھ سسٹم نے یورپی یونین ڈیجیٹل COVID سرٹیفکیٹ سسٹم کے مساوی حیثیت حاصل کرنے کے لیے زبردست کوششیں کی ہیں اور ہم متحدہ عرب امارات کو ان چند ممالک میں سے ایک بنانے کے لیے ان کا شکریہ ادا کرتے ہیں جو یورپی یونین کے تمام ممالک میں اپنے شہریوں اور رہائشیوں کے لیے ان کی جانچ اور شناخت کی حیثیت کو محفوظ کر سکیں۔ الحسن نیشنل ہیلتھ سسٹم کی ٹیم نے کہاکہ امارات ائیر لائن کے ساتھ ہماری شراکت داری اس بات کی دلیل ہے کہ محفوظ اور خوشگوار تکنیکی انضمام کو بنانا کتنا اہم اور فائدہ مند ہے۔ایمریٹس کروناکے وقت سےمحفوظ سفر کے لیے ایک بہترین ماڈل بنا رہا ہے اور ہمیں اس کا حصہ بننے پر فخر ہے۔ ہم اس تعاون کو کامیاب بنانے کے لیے ایمریٹس کا شکریہ ادا کرتے ہیں اور ہم اپنے تعاون کو آگے بڑھانے کے لیے پر امید ہیں۔