دوحہ ( لیڈنگ نیوز ) قطر میں فٹبال کا عالمی میلہ لگنے کو ہے اور اس سے پہلے رنگا رنگ شوز ہورہے ہیں۔ دوحہ میں ہفتہ کی شام میں پاکستانی رنگوں کی بہار آگئی جب پاکستان کا ثقافتی شو نے ہزاروں شائقین کو اپنی طرف متوجہ کرلیا۔
دلفریب اور حسین شام کا اہتمام پاکستان سفارتخانہ قطر نے دوحہ فٹ بال کپ فلیگ پلازہ میں کیا تھا۔
تقریب میں فنکاروں نے قومی یک جہتی اور وطن سے محبت کا بھرپور اظہار کیا جس کی شائقین نے بھرپور داد دی۔
قطر میں بسی پاکستانی برادری نے شو میں کثیر تعداد میں شرکت کی اور محفل کو چار چاند لگا دئیے۔