دبئی (نمائندہ خصوصی )سابق وزیراعظم نواز شریف سعودی عرب سے دبئی پہنچ گئے تفصیلات کے مطابق سابق وزیراعظم نواز شریف کی وطن واپسی کیلئے سعودی عرب سے دبئی پہنچ گئے قائد ن لیگ دوپہر 12 بجے جدہ سے دبئی کیلئے روانہ ہوئے تھے ‘نواز شریف دبئی میں اپنی رہائشگا ہ پر جائیں گے جہاں وہ مختصر قیام کے بعد پارٹی رہنماؤں سے ملاقاتیں کریں گے ‘واضح رہے کہ مسلم لیگ (ن) کے قائد نواز شریف کی سعودی عرب سے دبئی آمد کا پروگرام مختصر تاخیر کا شکار ہوگیاتھا۔ذرائع کے مطابق نواز شریف نے دبئی کیلئے پاکستانی وقت کے مطابق صبح ساڑھے 10 بجے کی پرواز لینا تھی لیکن ان کی دبئی کی پرواز میں تاخیر کی وجہ سعودی عرب میں ایک ضروری میٹنگ ہے۔، ان کے ہمراہ سعودی عرب جانے والے رفقا بھی دبئی پہنچے جب کہ نواز شریف کے ذاتی معالج ڈاکٹر عدنان آج دبئی پہنچیں گے۔ذرائع کا بتانا ہےکہ ڈاکٹر عدنان نواز شریف کے ساتھ 21 اکتوبر کو واپس وطن جائیں گے، ڈاکٹر عدنان تقریباً 2 ہفتہ قبل لندن سے پاکستان گئے تھے، انہوں نے بیشتر وقت نواز شریف کے ساتھ برطانیہ میں گزارا ہے۔