چینی کمپنیوں نے کراچی میں پینے کے پانی کی فراہمی سمیت دیگر بڑے منصوبوں میں سرمایہ کاری کی دعوت قبول کرلی جبکہ پاکستان میں سرمایہ کاری اور مشترکہ منصوبوں میں گہری دلچسپی کا اظہار کیا۔دورہ چین کے موقع پر وزیراعظم شہباز شریف نے چین کی صف اول کی کمپنیوں کو دورہ پاکستان کی دعوت دی جبکہ 10 ہزار میگا واٹ شمسی توانائی کے منصوبے پر مل کر کام کرنے کی پیشکش کی۔وزیراعظم نے گوادر ہوائی اڈے پر کام کی رفتار تیز کرنے اور رواں سال کے آخر تک مکمل کرنے کے اصرار پر چینی کمپنی نے اگلے سال کے ابتدا میں گوادر ہوائی اڈے کی تعمیر کی تکمیل کی یقینی دہانی کروا دی وزیراعظم شہباز شریف کا کہنا تھا کہ آگاہ ہوں کہ ماضی میں بہت مسائل آئے ہیں جس پر ہم معذرت خواہ ہیں، 11 اپریل 2022 کو اقتدار سنبھالنے کے بعد کمپنیوں کو درپیش مسائل حل کیے انہوں نے کہا کہ چینی کمپنیوں کو واجب الادا 160 ارب روپے کی ادائیگی کرچکے ہیں، 50 ارب روپے گزشتہ روز ادا کر دیے گئے ہیں اور 50 ارب روپے سے ریوالنگ فنڈ بنا دیا گیا ہے۔ وزیر خزانہ اسحاق ڈار کی ہدایت پر اسٹیٹ بینک نے ریوالونگ اکاؤنٹ بنا دیا ہے جبکہ ادائیگیوں کے ساتھ ہی مزید 50 ارب اس میں شامل ہوجائیں وزیراعظم نے کہا کہ چینی درآمدی کوئلے کی ادائیگیوں میں ماضی میں مسائل آئے جس پر ہمیں افسوس ہے جبکہ دیامیر بھاشا منصوبے میں اراضی کے حصول کے مسائل کو حل کریں گے، کوئی مسئلہ نہیں آنے دیں گے۔ چینی بھائیوں، بہنوں کے جاں بحق ہونے کے واقعات پر بے حد دکھ اور افسوس ہے، مجرموں کو گرفتار کر لیا گیا ہے اور انہیں مثالی سزا ملے گی، بہترین سیکیورٹی کے اقدامات کیے جا رہے ہیں۔انہوں نے کہا کہ سی پیک اور سی پیک سے الگ تمام منصوبوں پر کام کرنے والے چینی باشندوں کی حفاظت یقینی بنائیں گے، سی پیک اور سی پیک سے الگ تمام منصوبوں پر کام کرنے والے چینی باشندوں کی سیکیورٹی کا معیار ایک ہو گا شہباز شریف نے کہا کہ 2 کروڑ لوگوں کے شہر کراچی میں فراہمی آب کا بہت بڑا مسئلہ ہے جس کے لیے سندھ حکومت کے ہمراہ آپ کے ساتھ مل کر کام کرنے کو تیار وزیراعظم نے کہا کہ شمسی توانائی سے 10 ہزار میگاواٹ بجلی پیدا کرنے کا جامع پلان بنایا ہے، ہوا سے بجلی پیدا کرنے کے منصوبوں میں بھی آپ کو سرمایہ کاری کی دعوت دیتا ہوں، ایندھن کی لاگت کم کرکے تیل و گیس پر اٹھنے والے بھاری غیرملکی زرمبادلہ کی بچت انہوں نے چین سے کہا کہ آپ کے پاکستان میں دلچسپی لینے پر شکریہ، چھ ماہ میں تین بار گودار بندرگاہ کا دورہ کرچکا ہوں، ایم ایل وَن اور دیگر منصوبوں میں دلچسپی لینے پر شکریہ ادا کرتا وزیراعظم شہباز شریف نے پاکستان میں سیلاب متاثرین کی فراخ دلانہ مدد پر چین کا شکریہ ادا کیا۔