دبئی (نمائندہ خصوصی)25 جون2022 کو پاکستان سوشل سینٹر میں نیکسجن ٹیلینٹ شو کا انعقاد کیا گیا ۔جس میں نئی نسل کے تیلنٹ کو سامنے لانے کے لئے آرٹ اور کیلی گرافی کا مقابلہ منعقد کیا گیا۔ جس میں پورے یو اے ای سے بچوں نے مقابلے میں شرکت کی۔ اس کو علاوہ میوزیکل پروگرام کا اہتمام بھی کیا گیا۔ پاکستان سے مایہ ناز گلوکاروں ،نبیہا ،شاہد علی سونو،صابری سسٹرزاور ظہور احمد لوہار کو مدعو کیا گیا جنہوں نے اپنی شاندار پرفارمنس سے حاضرین کے دل موہ لئے۔ نیکسجن کی نمائندگی کرنے والی ایک کمسن آرٹسٹ عمامہ فخر نے اپنی پہلی پرفارمنس سے ہی محفل میں چار چاند لگا دئے اور حاضرین نے اس عمامہ کے ٹیلنٹ کو خوب سراہا اور دل کھول کر داد دی۔ آرٹ اور کیلیگرافی کے مقابلے میں جج صاحبان کے فرائض سلیم صاحب ممبر بزمِ اردو اور عائشہ منیر ہانس صاحبہ نے بخوبی سرانجام دیئے۔ پہلی تین پوزیشن لینے والے بچوں کو سرتیفکیت دیئے گئے
۔تمام گلوکاروں کو شارجہ سوشل سینٹر کی طرف سے اعزازی شیلڈز سے نوازا گیا۔ چوہدری خالد حسین صدر پاکستان سوشل سینٹر شارجہ کی پاکستانی کمیونتی کےلئے ان کی خدمات کو سراہتے ہوئے کلاؤڈ نائن اور ہانس گلوبل کی طرف سے انہیں شیلڈ سے نوازا گیا۔ قونصل جنرل آف پاکستان جناب حسن افضل خان کو بھی شیلڈ پیش کی گئی۔بزمِ اردو کی طرف سے ترنم صاحبہ ممبر بزمِِ اردو نے بزمِ اردو کا تعارف پیش کیا۔اور ان کی طرف سے بھی ظہور احمد لوہار کو شیلڈ پیش کی گئ۔ انتہائی بہترین اور خوبصورت انداز میں پروگرام کیا پیش کیا گیا۔سٹیج سیکرٹری کے فرائض پاکستان سوشل سینٹر شارجہ کی کلچرل ہیڈ صائمہ نقوی نے سرانجام دیئے۔ عوام نے بھر پور انداز میں شرکت کی اور خوب محظوظ ہوئے۔کمیونٹی کی مشہور شخصیات نے بھی اس میں شرکت کی ۔میاں منیر ہانس،سید سلیم اختر،عمر ،بلوچ، عمران اسلم،فراز احمد صدیقی،حافظ عبدالرؤف،ثمینہ ناصر، یاسمین کنول،شیریں درانی،فوزیہ اظہار،ملک اسلم،عارف منہاس،ملک شہزاد،حماد اور دیگر احباب وغیرہ شامل ہیں۔
