اسلام آباد (نیوز ڈیسک) وفاقی وزیر برائے امور کشمیر و گلگت بلتستان علی امین گنڈا پور نے لائن آف کنٹرول پر جا کر لڑنے کا اعلان کر دیا ہے، علی امین گنڈا پور نے ایک انٹرویو میں کہا کہ کشمیریوں کی قربانیوں کو سلام پیش کرتا ہوں، انہوں نےکہا کہ کشمیر کے لئے خون کا پہلا قطرہ میرا گرے گا، وفاقی وزیر برائے امور کشمیر علی امین گنڈا پور نے کہا کہ کشمیری بھائیوں کے لئے پورا ملک لڑنے کو تیار ہے اور اگر ایسی صورت حال ہوئی تو لائن آف کنٹرول پر جاکر خود لڑوں گا۔