لاہور(کامرس رپورٹر) رائیونڈ روڈ پر واقع الکبیر ڈویلپرز کے فیز تھری کنگز ٹاون میں عظیم الشان محفل میلاد کا انعقاد کیا گیا۔محفل میلاد میں ملک کے معروف قاری سید صداقت علی ،عالمی شہرت یافتہ نعت خواں عبدالرئوف روفی ،شہزادحنیف مدنی، قاری یونس اورقاری شاہد محمودنے خصوصی شرکت کی اور آقائے دو جہاں کی بارگاہ میں ہدیہ عقیدت پیش کیا۔ محفل میلاد میں صوبائی وزیر میاں اسلم اقبال،وی ایکسپو کے بانی نعیم ثاقب کے علاوہ اہم سیاسی ،سماجی شخصیات ، ڈیلرز اور رئیل اسٹیٹ انڈسٹری کے نامور افراد اور ہزاروں عاشق رسول نے شرکت کی، اس موقع پر چیئرمین الکبیر ٹائون چوہدری اورنگزیب نے شرکاءمیں عمرہ کے ٹکٹ تقسیم کیے اور بہترین انتظامی امور پر آپریشن مینجر خرم شہزاد کی زیر نگرانی میں مارکیٹ کمیٹی کے کردار کو سراہتے ہوئے الکبیر فیملی کے لیے نیک خواہشات کا اظہار کیا۔
ان کا کہنا تھا کہ الکبیر ٹائون کی شاندار کامیابی کے بعد کنگز ٹائون کا فقید المثال رہائشی منصوبہ شروع کیا۔ کنگز ٹاؤن ایل ڈی اے سے منظور شدہ ہاؤسنگ سکیم میں جس میں تمام جدید رہائشی سہولیات مہیا کی گئی ہیں انڈرگراؤنڈ الیکٹرسٹی کارپیٹڈ روڈ سی ٹی وی سے نگرانی GATED کمیونٹی مسجد اور کمیونٹی سینٹر جیسی سہولیات مہیا کی گئی ہیں۔انشاء اللہ الکبیر ٹائون کی طرح کنگز ٹائون بھی الکبیر ڈیولپرز کا ایک شاندار رہائشی منصوبہ ہوگا جو عوام کا اعتماد مکمل حاصل کرے گا۔