ممبئی: شاہ رُخ خان نے حجاب کرنے والی لڑکی کا احترام کر کے یہ ثابت کردیا کہ وہ صرف بالی کے ہی نہیں بلکہ اصل زندگی میں بھی بادشاہ ہیں۔
سوشل میڈیا پر شاہ رُخ خان کی ایک ویڈیو گردش کر رہی ہے جس نے مداحوں کے دل جیت لیے ہیں ویڈیو میں دکھایا گیا ہے کہ کنگ خان کس طرح حجاب میں ملبوس مسلمان مداح کی حدود کا احترام کرتے ہیں۔
وائرل ویڈیو میں دیکھا جا سکتا ہے کہ ایک لڑکا اور تین لڑکیاں شاہ رُخ سے ملاقات پر بےحد پُرجوش نظر آرہی ہیں ان میں سے دو لڑکیاں شاہ رُخ خان کے گلے لگتی ہیں جبکہ حجاب میں ملبوس لڑکی دور کھڑی رہ کر مسکراتی ہے۔
ایسے میں شاہ رُخ حجاب کرنے والی مسلمان لڑکی کی حدود کا احترام کرتے ہوئے اسے دور سے ہی آداب کرتے دکھائی دیتے ہیں۔
سوشل میڈیا صارفین کا کہنا ہے کہ شاہ رُخ ایک نیک دل انسان ہیں اور وہ ہمیشہ خواتین کی بےحد عزت کرتے ییں اور باحجاب خواتین کیلئے ان کے دل میں جو عزت ہے وہ اس ویڈیو میں صاف دکھائی دے رہی ہے۔
یاد رہے کہ شاہ رُخ خان اسلام سمیت ہر مذہب کی عزت و احترام کرنے کی تلقین کرتے ہیں اور انہوں نے ہمیشہ مذہبی رواداری کے لیے آواز اٹھانے کی کوشش کی ہے۔