پاکستان جرنلسٹس فورم دبئی کی نئی باڈی کی تشکیل ‘سب مل کر ارکان کی بہتری کے لیے کام کریں گے، نومنتخب صدر طاہر منیر طاہر
اسلام آباد(نمائندہ خصوصی)پاکستان جرنلسٹس فورم (رجسٹرڈ) دبئی کا ایک اہم اجلاس منعقد ہوا جس میں پی جے ایف کے تمام ارکان نے بھرپور شرکت کی، اجلاس کا آغاز تلاوت قرآن پاک سے کیا گیا، سابق صدر پی جے ایف اشفاق صاحب نے سب کا شکریہ ادا کرتے ہوئے نئی باڈی کی تشکیل دینے کے لیے تمام اراکین سے رائے مانگی اور فاؤنڈر ممبر و سینئر صحافی سہیل صاحب کو الیکشن کمیشن کی ذمہ داری سونپی جو انہوں نے احسن طریقے سے نبھائی اور نئی باڈی تشکیل دینے کے طریقے کو واضح کیا۔ پاکستان جرنلسٹس فورم دبئی کے تمام ممبران نے باہمی افہام و تفہیم سے متفقہ طور پر نئی باڈی کو تشکیل دیاصدر طاہر منیر طاہر، سینئر نائب صدر سعدیہ عباسی، نائب صدر اوم سعبط عارف، نائب صدر دوئم مظفر رضوی، نائب صدر سوئم زمرد بونیری، جنرل سیکرٹری حافظ زاہد علی، جوائنٹ سیکرٹری ارشد چوہدری، فائنانس سیکرٹری ارشد انجم اور انفارمیشن سیکرٹری کے طور پر اعجاز احمد گوندل پر مکمل اعتماد کا اظہار کیا۔ تمام ممبران نے نومنتخب عہدیداران کو ذمہ داریاں سنبھالنے پر مبارکباد دی۔ نومنتخب صدر پی جے ایف دبئی طاہر منیر طاہر نے تمام ممبران کا شکریہ ادا کرتے ہوئے کہا انشاءاللہ ہم سب مل جل کر ایک فیملی کی طرح پی جےایف اور تمام اراکین کی بہتری کے لئے کام کریں گے۔