ابو ظہبی (نمائندہ خصوصی)چھٹا مقبول بٹ شہید کرکٹ ٹورنامنٹ ابوظہبی اختتام پذیر ہو گیا ۔ ٹورنامنٹ کا انعقاد کوہاٹ ہوٹل چائنہ کیمپ ابوظہبی کے تعاون سے کیا گیا۔۔ٹورنامنٹ کی اختتامی تقریب چائنہ کیمپ میں منعقد کی گئی ۔جس کے مہمان خصوصی ابو ظہبی میں متحرک کشمیری رہنما چوہدری آصف پرویز تھے۔
مہمان خصوصی نے اختتامی تقریب میں شرکا سے خطاب کرتے ہوئے یہ پیغام دیا کہ تحریک آزادی کشمیر کے لئے مقبول بٹ شہید کی
زندگی ہمارے لیے مشعل راہ ہے اور ہم اس راہ پر ہمیشہ گامزن رہیں گے ۔ دیار غیر میں بسنے والے کشمیری اپنے وطن کے حوالے سے زیادہ حساس ہیں، وطن سے دور وطن کی فکر کرنے والے اورسیز کشمیری تحریک آزادی کشمیر کے لیے ہمہ تن حاضر ہیں۔ مہمان خصوصی نے ٹورنامنٹ انتظامیہ کی کاوشوں کو سراہتے ہوئے کہا کہ کھیلوں کی سرگرمیاں آپسی تعلقات کی بنیاد ہیں ۔اختتامی تقریب میں مہمان خصوصی کی جانب سے کھلاڑیوں میں انعامات بھی تقسیم کیے گئے ۔اختتامی تقریب میں مہمان خصوصی کے علاؤہ چوہان زادہ نوید ، چوہدری سجاد ، عمر فاروق اور دیگر نے شرکت کی ۔